Politika e privatësisë

Kjo politikë shpjegon si i përpunojmë të dhënat tuaja personale kur përdorni dartech-ks.com dhe kur blini tek ne, në përputhje me Ligjin Nr. 06/L-082 për Mbrojtjen e të Dhënave Personale.

1. Kontrolluesi i të dhënave

New Dartech Holding SH.P.K, Flaka e Janarit nr. 1, 10000 Prishtinë, Kosovë · online@dartech-ks.com · +383 48 74 68 68.

2. Cilat të dhëna mbledhim

Të dhënat e porosisë: emri dhe mbiemri, adresa e dorëzimit, qyteti, shteti, kodi postar, numri i telefonit, email-i, produktet e porositura dhe shuma.
Të dhënat për kthim/rimbursim: emri i mbajtësit të llogarisë, banka dhe IBAN-i, vetëm kur kërkoni rimbursim.
Komunikimi: mesazhet që na dërgoni me email, telefon ose WhatsApp.
Të dhënat teknike: adresa IP, lloji i pajisjes dhe shfletuesit, faqet e vizituara dhe cookies, sipas pikës 7.
Buletini: email-i, vetëm nëse abonoheni.

3. Për çfarë i përdorim dhe mbi çfarë baze

Qëllimi	Baza ligjore
Përpunimi, konfirmimi dhe dorëzimi i porosisë; komunikimi për porosinë	Përmbushja e kontratës me ju
Kthimet, rimbursimet, ankesat dhe garancia	Kontrata dhe detyrimet ligjore
Faturimi dhe ruajtja e dokumenteve kontabël	Detyrim ligjor (legjislacioni tatimor dhe kontabël)
Siguria e faqes dhe parandalimi i mashtrimeve	Interes legjitim
Statistikat e vizitave dhe reklamat e personalizuara	Pëlqimi juaj (cookies)
Buletini me oferta	Pëlqimi juaj, i cili mund të tërhiqet në çdo kohë

4. Me kë i ndajmë të dhënat

Të dhënat tuaja nuk i shesim. I ndajmë vetëm aq sa nevojitet për qëllimet e mësipërme, me:

Shopify – platforma ku funksionon dyqani, checkout-i dhe llogaritë e klientëve;
kompanitë e transportit dhe postare – emri, adresa, telefoni dhe shuma për pagesë në dorëzim, për ta dorëzuar porosinë;
bankën tonë – të dhënat e llogarisë suaj, vetëm për rimbursim;
ofruesit e komunikimit – p.sh. WhatsApp (Meta) kur na shkruani atje, dhe shërbimi i email-it për buletinin;
ofruesit e statistikave dhe reklamave – p.sh. Google dhe Meta, vetëm nëse jepni pëlqimin për cookies;
kontabilistët, këshilltarët ligjorë dhe autoritetet publike – kur kërkohet me ligj.

Disa nga këta ofrues (p.sh. Shopify, Google, Meta) i përpunojnë të dhënat edhe jashtë Kosovës. Në këto raste transferimi bëhet me masat mbrojtëse që kërkon ligji.

5. Sa kohë i ruajmë

Të dhënat e porosive dhe faturat: për aq kohë sa kërkon legjislacioni tatimor dhe kontabël.
Të dhënat për kthime, ankesa dhe garanci: gjatë afatit të garancisë dhe të përgjegjësisë ligjore, dhe më pas aq sa nevojitet për zgjidhjen e mosmarrëveshjeve.
Të dhënat bankare për rimbursim: vetëm deri në kryerjen e rimbursimit dhe sa kërkojnë rregullat kontabël.
Email-i për buletin: deri kur çabonoheni.

6. Të drejtat tuaja

Keni të drejtë të kërkoni: qasje në të dhënat tuaja; korrigjimin e tyre; fshirjen, kur nuk ka detyrim ligjor për ruajtje; kufizimin e përpunimit; transferimin e tyre; të kundërshtoni përpunimin mbi bazë të interesit legjitim; dhe të tërhiqni pëlqimin në çdo kohë, pa ndikuar në ligjshmërinë e përpunimit të mëparshëm. Kërkesat dërgojini në online@dartech-ks.com; ju përgjigjemi brenda 30 ditëve.

Keni të drejtë të paraqitni ankesë në Agjencinë për Informim dhe Privatësi (AIP) të Republikës së Kosovës.

7. Cookies

Përdorim cookies të domosdoshme që faqja dhe shporta të funksionojnë. Cookies për statistika dhe reklama përdoren vetëm me pëlqimin tuaj, të cilin mund ta jepni ose ta ndryshoni në banerin e cookies dhe në cilësimet e shfletuesit.

8. Siguria

Faqja përdor lidhje të enkriptuar (HTTPS). Qasja në të dhënat tuaja kufizohet vetëm te personat që kanë nevojë për to për të përmbushur porosinë.

9. Të miturit

Faqja nuk u drejtohet fëmijëve nën 16 vjeç dhe nuk mbledhim me vetëdije të dhëna prej tyre.

10. Ndryshimet

Kjo politikë mund të përditësohet. Versioni aktual publikohet gjithmonë në këtë faqe.